2 مليون كعكة ورا كعكة

2 مليون كعكة ورا كعكة

بواسطة مسرح الفكر الجديد
|
في 8 شباط (فبراير) 2013

 

و انتوا رايحين على الشغل اكيد صدفتوا بياع كعك مش هيك؟ كعك مع بيض، جبنة،زعتر و كاسة شاي! في ازكا من هيك؟ اكيد بتفكروا حرام بياع هلكعك شو الله جابره يقعد كل يوم في كل فصول السنة برد، شوب، تجميد، فطيس يبيع كعك! بس ابو محمد بياع الكعك مش اي بياع!

 

مر بظروف صعبة كتير و ما فرق عنده اشي... عنده سبع بنات... بعرف الكل رح يحكي ول سبع بنات؟ هو قادر يصرف على حاله ليصرف على بناته؟ و بنسير هلأ نفكر بحملات تنظيم الاسرة و الدعايات على التلفزيون و الراديو و كيف ولا حد رادد عليهم! بس ابو محمد قدها و قدود!

 

من عرباية كعك علم بناته و عيش عائلته عيشة رضية على قد الحال زي ما بقول زياد الرحباني! الشغل مش عيب يا جماعة، بدل ما تقعدوا بالبيت لا شغلة ولا عملة اشتغلوا على حالكم و ثابروا... المشوار رح يكون طويل و ما رح توصلوا بيوم و ليلة... بس خطوة بخطوة بتوصلوا للي بدكم اياه و اكثر!

 

الحكي مش زي الشوف، تعرفوا على ابو محمد الي بمثل الاردن الي ما بقول أخخخ!