يا جبل ما يهزك ريح

يا جبل ما يهزك ريح

بواسطة مسرح الفكر الجديد
|
في 1 شباط (فبراير) 2013

 

 

اكيد سمعتوا جملة " يا جبل ما يهزك ريح " والواحد اذا فكر فيها بوصل لنتيجة انو عنجد الجبل ما بهزه اشي ! هلأ اكيد كمان الريح مش رح يهزك كشخص ! بس كلنا بنحكي" قد ما كانت برد مبارح طرت من الهوا ...... الهوا طيرني ! " حطوا ، البرد ، الهز والطيران على جنب !

بصراحة وانا صغيرة كتير مرات كنت اسمع جملة " ياجبل ما يهزك ريح " ولا افهم اشي ...... جبل ، هز ، ريح ...... مش موجودين عندي بالقاموس ! لحد ما كبرت وضليت  اسمعها وما فهمتها غير لما وقعت بمشكلة وضليت صامدة و وقفت زي الجبل .

مش قليلة هالجملة عنجد معناها قوي .

بس اقتنعت اكتر فيها بعد ما شفت شخصيات مثل سناء عبدو ، صابرين طه ، وحسني الخفش على مسرح الفكر الجديد.