طرق توليد واستنباط الافكار

طرق توليد واستنباط الافكار

بواسطة فكر جديد منقول
|
في 16 حزيران (يونيو) 2014

كيف نولد ونبتكر أفكار وحلول جديدة لمشكلة، خلينا مع بعض نشوف كيف:

(قبل ما تبدأ ولتزيد فاعلية أفكارك لازم تحدد هدف واضح لإبداعك وتفكيرك بدك توصله بأفكارك.)

1. التفكير بالمقلوب: 
يعني إقلب إلي بتشوفو في حياتك عشان تقدر توصل لفكرة جديدة، مثال: الطلاب بروحوا على المدرسة ، لما نعكس المثال بصير: المدرسة بتيجي للطلاب، وهذا إلي عم يصير فعلياً أكيد السؤال رح يخطر في بالكم كيف؟ والجواب هو الدراسة من خلال الإنترنت والمراسلة وغيرها.

2. الدمج: ادمج عنصرين أو أكثر عشان تقدر توصل  لإبداع جديد، مثال: سيارة + قارب = مركبة برمائية، وتم تطبيق هذه الفكرة! 

3.  الحذف: احذف جزء أو خطوة واحدة من جهاز أو نظام إداري، يمكن يكون هذا الجزء ما فيه فائدة. 

4.  الإبداع بالأحلام:

تخيل إنك أصبحت مدير لشركة كبيرة مثلاً، شو بتقدر تعمل؟ أو تخيل إنك ممكن تعيش على كوكب المريخ، كيف رح تكون حياتك؟

 5. المثيرات العشوائية:

مش غلط تزور محل للعب الأطفال لتطلع أفكار، أو سافر لبلاد ما زرتها من قبل، أو امشي في مكان ما شفتو من قبل، وما تنسى إنك تحمل معك دفتر ملاحظات وقلم لتقدر تسجل أي فكرة أو خاطرة بتخطر على بالك. 

6. الإبداع بالتنقل:

إنك تقدر تحول وتنقل فكرة بنظرك غير صحيحة أو معقولة إلى فكرة جديدة ومعقولة. 

7. زاوية نظر أخرى.
اتطلع للمشكلة أو الإبداع أو المسألة من طرف ثاني أو ثالث ممكن تستعين بأصدقاءك، وما تحصر رؤيتك بمجال نظرك فقط. مثال: لو كان أحمد مكاني شو رح يعمل. 

8. ماذا لو:
سؤال اطرحو على نفسك: ماذا لو حدث كذا وكذا؟.. ستكون النتيجة كذا وكذا.

 9. كيف يمكن:

استخدم هذا السؤال عشان تقدر تلاقي العديد من البدائل والإجابات. 

10. استخدامات أخرى:
هل تستطيع أن توجد 20 استخدام آخر للقلم غير الكتابة والرسم؟ جرب هاي الطريقة وبالتأكيد رح تقدر تحصل على أفكار مفيدة. 

11. طوّر بإستمرار:- وما توقف عن التطوير والتعديل في أي شيء.

أمور وحلول بسيطة جداً وخيالية بعض الشيء ولكن بنفس طويل وشوية إستمرارية وإرادة رح نقدر نعمل تغيير إيجابي بالمجتمع.