رجل الشلمونة

رجل الشلمونة

بواسطة مسرح الفكر الجديد
|
في 10 شباط (فبراير) 2013

 

كل واحد فيكم بصغره تعرف على الرجل الحديدي، بس هلأ يمكن نسيتوا! صار الوقت انكم تتعرفوا على رجل الشلمونة... و انا بأكدلكم انكم ما رح تنسوه!

 

قبل اكمن يوم كنت قاعدة مع شخص و فهمت منه انو في كتير شباب هلأيام عم بخترعوا و بوصلوا لوين ما بحلموا. قعدت مع حالي شوي و حكيت يمين و شمال معقول بيوم من الايام اقدر اخترع اشي؟ عرضت الفكرة على احد اصدقائي و احنا بنشرب كاسة الشاي السخنة... "هات يا زلمة نخترعلنا شغلة!" الجواب ضغري كان: "ايديك على مليون دينار"  و هون عصبت و قلت معك حق!

راجعت حالي و قررت انو الاختراع مش دايما بدو مصاري كتير... بعدين يا اخي جرب و شوف شو بصير، ما بتعرف يمك حد يساعد!

 

رجل الشلمونة كان اذكي مني.. ليه؟؟ انا قعدت و فكرت شو ممكن اعمل بشلمونة غير اني اشرب فيها؟ و هاد الي طلع معي...  ممكن اتسلا فيها، انظف الزوايا الصغيرة و ممكن ألفها على اصبعي و اخلي حد يطقعها! بس عمري ما فكرت اني اعزف فيها؟

حسن الميناوي اشترك بمسرح الفكر الجديد و أبهر الناس باختراعه البسيط و كمل طريقه ل”arabs got talent" و هلأ عم بعلم ناس عليها... و مش بس هيك بده يدخل في كتاب جينيس للأرقام القياسية!

 

تعرفوا على رجل الشلمونة من خلال الفيديو!