بتقدر ترسم و عينيك مغمضة؟؟ بتقدر تدبك و دينيك مسكرة؟؟

بتقدر ترسم و عينيك مغمضة؟؟ بتقدر تدبك و دينيك مسكرة؟؟

بواسطة مسرح الفكر الجديد
|
في 8 شباط (فبراير) 2013

 

 

كتير مرات بنطلب منا أشياء... و أول تعليق بكون: مستحيل... ما بعرف... كيف رح أقدر؟ و من هون  بنتوتر، بنضيع او يمكن بنستسلم! و في منا بقدر يعمل بس ما بده! 

 

الواحد لازم يشتغل على حاله و يثابر بشغله و حياته! فش سبب بالدنيا بخليك تقعد بدون شغله ولا عمله! يمكن مش الكل مقتنع بالحكي بس كتير ناس نجحت بحياتها و حتى لو واجهت صعوبات. دائما بالحياة الي بواجه المشكلة و بهجم عليها المشكلة بتهرب منه... و الي بهرب من المشكلة بتلحقه!

 

على سيرة الصعوبات كتير منا بفكر إنو الأشخاص ذوي الاحتياجات الخاصة ما بقدروا يعملوا اشي... و اول ما نشوف شخص ضرير، اصم او ابكم مباشرة بنحزن عليه و بخطر ببالنا كيف عايش حياته؟ و انو هاد الشخص بحاجة لمساعدة دائمة. بس انتوا غلطانين! الله سبحانه و تعالى بياخدك منك اشياء بس ما بنساك و بيعطيك غيرها!

 

كلنا بنعرف هيلين كيلر و بيتهوفن و كيف تغلبوا على صعوباتهم و كيف كان الهم تأثير كبير على المجتمع... و احنا بمسرح الفكر الجديد شاركوا معنا اشخاص شبيهين لألهم... ذوي البصيرة حتى لو ما بشوفوا بعيونهم قدروا يشوفوا بقلبهم، و فرقة الأمير علي للصم و البكم قدروا انهم يدبكوا حتى لو ما بسمعوا الموسيقى!