انت واحد زنخ... سقع... و بكرهك!

انت واحد زنخ... سقع... و بكرهك!

بواسطة مسرح الفكر الجديد
|
في 8 شباط (فبراير) 2013

 

انت واحد زنخ... سقع... و بكرهك! لو انت قدامي لقتلتك... مش رح تقدر ادمرني... يا اخي ابعد عني و عن بيتي و عيلتي! بدك تقتلني؟ ما رح تقدر!

اكيد بتفكروا انو هاد الحكي لمين موجه! وليه عم بفعفط زي هيك! بعرف انو مش المحل الصح! بس ما يروح فكركم لبعيد مش عم بحكي عن شخص! انا عم بحكي عن السرطان الي عم بدخل على بيوتنا و بحاول يدمرنا!

               

كتير منا بتصيبنا امراض مختلفة بس احنا مرات ما بنعرف نتعامل معها! و بصير المرض حجة بحاجة! انا عندي سكري فما بقدر العب رياضة... انا غدتي كسلانة فما بقدر انحف... انا عندي دسك فما رح اقدر امشي اليوم... و انا و انا وانا....

 

بس كمان في ناس قدرت تتعامل مع مرضها و تكافح و تحارب لتقتل هلمرض! مها قلعجي بالنسبة الها السرطان ما كان بعني الموت، حاربت المرض لأخر لحظة! حضرت حالها نفسيا و معنويا لكل الاختلافات الي رح تصير.. ما اخدت المرض كحجة و قعدت بالبيت لا شغلة ولا عملة و ضلت ماشية بطريقها و لمدة 18 سنة السرطان كان رفيق دربها!

 

الله يرحمك يا مها! بنظرنا و نظرك انت تغلبتي على السرطان. شوفوا حضورها الرائع و الشجاع على مسرح الفكر الجديد!